Guardiola, “macja e zezë” e Real Madridit

Futboll

Guardiola, “macja e zezë” e Real Madridit

Më: 3 maj 2022 Në ora: 16:10
Guardiola, “macja e zezë” e Real Madridit

Pep Guardiola dhe Kevin De Bruyne dolën në konferencë shtypi nga Manchester City për të analizuar ndeshjen e dytë gjysmëfinale me Real Madridin në “Bernabeu”. Stërvitja dhe konferenca për shtyp janë mbajtur në Angli, për të udhëtuar në Madrid pasdite për ndeshjen e nesërme,  shkruan Telesporti.

“Ishim të lumtur që fituam gjysmëfinalen e parë. Megjithatë, për të eliminuar Real Madridin e dimë se duhet të luajmë dy ndeshje të mira, nuk mjafton vetëm të fitojmë njërën ose ndeshjen e parë

“El Classico” si referencë? Nuk e pashë atë lojë, pashë përmbledhjen. Nuk e kam parë shumë, sepse Benzema nuk luajti atë ditë. Ancelotti bëri diçka që nuk e bën zakonisht, me Modriçin… Pra, nuk është një referencë.

Çfarë do të thotë të luash në ‘Bernabéu’? Është një sprovë dhe fat i madh, sepse do të thotë se jemi në gjysmëfinale. ‘Bernabeu’ është një provë e shkëlqyer për ta treguar veten.

Raporti me Ancelottin? E përgëzova për fitimin e ligës spanjolle, e bëra javën e kaluar. E admiroj, ka qenë në të gjithë botën, në vende të mëdha futbolli dhe ekipe fantastike. Ai është një person i jashtëzakonshëm. E kam takuar vite më parë dhe sa herë që jam me të është i qetë, i kontrollon emocionet e tij në mënyrë perfekte.

Lojë më e mirë se në ndeshjen e parë për t’u kualifikuar? Ndoshta, po. Ne duhet të jemi më të mirë, por mund të luajmë shumë më keq sesa luajtëm të fitojmë. Nuk mund ta mohojmë që vlerësimi varet nga objektivi, arritja e finales. Askush nuk e di çfarë ndodh në futboll. Ndonjëherë merrni atë që nuk e meritoni, ndonjëherë ndodh e kundërta. Ne duhet të luajmë jashtëzakonisht mirë dhe të fitojmë ndeshjen.

Këshilla nga Xavi? Ne kemi një marrëdhënie të mirë, por ai ka lojtarë që unë nuk i kam dhe anasjelltas. E dimë që duhet të bëjmë mirë dhe të japim maksimumin për të shkuar në finale.

Favoriti? Jemi dy skuadra të mira, e pamë një javë më parë. Ata janë kampionë në Spanjë, ne po mundohemi të jemi kampionë në Premier League. E thashë një javë më parë se jemi në gjysmëfinale për të provuar të shkojmë në finalen e dytë radhazi.

Qasja taktike? Do të ketë momente kontrolli, momente tranzicioni… Do të jenë 90 minuta me shumë gjëra. Modric thotë që, nëse madrilenët bëjnë më të mirën, do të jenë në finale? Është normale që ata të mendojnë kështu. Ne mendojmë të njëjtën gjë…".

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat