​Altik Muhaxhiri, “Ylli i javës” në Superligën e Kosovës

Futboll

​Altik Muhaxhiri, “Ylli i javës” në Superligën e Kosovës

Më: 10 maj 2022 Në ora: 12:01
​Altik Muhaxhiri

Federata e Futbollit e Kosovës së bashku me sponsorin e Superligës, Bankën Kombëtare Tregtare, BKT Kosova , vazhdojnë të ndajnë çmimin "YLLI I JAVËS", për lojtarin më të mirë të xhiros.

“Ylli i javës” për xhiron e 34-të është shpallur portieri nga radhët e Dukagjini Altik Muhaxhiri. 

Kjo është java e dytë radhazi që ky çmim shkon në duart e portierëve. 

Altik Muhaxhiri ka qenë përcaktues në arkëtimin e një pike shumë të rëndësishme për skuadrën nga Klina si mysafir ndaj Dritës. 

Ai përveç që pati disa intervenime gjatë këtij ballafaqimi, arriti ta presë edhe gjuajtjen e Marko Simonovskit nga penalltia, duke u shndërruar në hero të tifozëve të skuadrës nga Klina. 

Dukagjini është duke luftuar për t'iu shmangur pozitës që dërgon në barazh dhe aktualisht mban pozitën e gjashtë, me 46 pikë, dy më shumë se rivalët direkt Drenica dhe Malisheva

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat