Laporta thumbon Realin dhe Mbappen

Futboll

Laporta thumbon Realin dhe Mbappen

Më: 17 maj 2022 Në ora: 21:33
Joan Laporta, Kylian Mbappe

Presidenti i Barcelonës Joan Laporta në konferencën e fundit për media është pyetur për mundësinë e transferimit të yllit francez, Kylian Mbappe.

Mbappe si duket ka vendosur që mos të rinovojë kontratën e tij me gjigantin francez, Paris Saint-Germain, dhe spekulimet e shumta e lidhin francezin me një kalim te Real Madridi.

Po ashtu, Mbappe ishte lidhur me një kalim te Barcelona, por që presidenti i kësaj të fundit ka shuar shpresat e çdo tifozi blaugranë.

“Ne nuk do ta konsideronim kurrë që të nënshkruajmë me një lojtarë i cili kërkon 50 milionë euro në sezon si pagë”, tha Joan Laporta, president i Barcelonës.

Së fundmi, raportohet se Mbappe ka refuzuar çdo gjë nga PSG vetëm për ta realizuar ëndrrën e tij dhe t’i bashkohet Real Madridit gjatë kësaj vere si lojtar i lirë.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat