Grumbullohet pas katër muajsh

Futboll

Grumbullohet pas katër muajsh

Më: 21 maj 2022 Në ora: 14:54
Grumbullohet pas katër muajsh

Pas katër muajsh, Josip Iliçiç është rikthyer në listën e të grumbulluarve të skuadrës së Atalantës.

Gasperini në fakt e ka futur sllovenin në listën e 22 lojtarëve për ndeshjen e sotme mbrëma ndaj Empolit në Bergamo për javën e fundit të të Serisë A.

Sfida e tij e fundit daton më 9 janar ndaj Udinezes në transfertë, ku u aktivizua si zëvendësues për 12 minuta në fitoren e bergamaskëve me rezultatin 2-6.

Më vonë, pavarësisht se stërvitej rregullisht në qendrën stërvitore, sulmuesi ka humbur 17 ndeshje të kampionatit, 2 të Kupës së Italisë dhe 6 të Europa Ligës.

Kundër Empolit, Iliçiç do t’i thotë lamtumirë Atalantës pas 5 vitesh, pavarësisht kontratës që i skadon më 30 qershor 2023.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat