Shpërthen pas rinovimit të Mbappes: Al Khelaifi është i rrezikshëm

Futboll

Shpërthen pas rinovimit të Mbappes: Al Khelaifi është i rrezikshëm

Më: 21 maj 2022 Në ora: 21:09
Shpërthen pas rinovimit të Mbappes: Al Khelaifi është i rrezikshëm

Lajmi se Kylian Mbappe do të rinovojë me PSG-në, ka sjellë reagime të shumta në Spanjë ku të gjithë prisnin firmën e tij te Reali.

Reagimi më i ashpër ka ardhur padyshim nga presidenti i La Liga, Havier Tebas, i cili prej kohësh ka nisur një luftë personale kundër Naser Al Khelaifit dhe klubeve-shtet të cilat sipas tij po shkatërrojnë futbollin.

“Ajo që po bën PSG duke rinovuar me Mape me sasi të mëdha parash (sikur ta dinim ku dhe si i paguan), pasi ka regjistruar humbje për 700 milionë euro në sezonet e fundit dhe ka më shumë se 600 milionë euro rroga në vit, është një fyerje për futbollin.

Al khelaifi është po aq i rrezikshëm sa Superliga”, shkruante Tebas në një reagim në rrjetet sociale.

Sipas “AS”, drejtuesit e futbollit në Spanjë janë të pakënaqur me këtë lëvizje të PSG, pasi e cilësojnë një sfidë direkte ndaj UEFA-s dhe se kjo e fundit nuk ndërhyn asnjëherë për të ndalur shkeljet e dukshme të parisienëve.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat