Pse zgjodhi Strugën?

Futboll

Pse zgjodhi Strugën?

Më: 24 qershor 2022 Në ora: 18:29
Pse zgjodhi Strugën?

Fatjon Jusufi është blerja e dytë e Struga Trim Lum gjatë kësaj merkatoje, pas Besart Ibraimit. Jusufi me ekipin e Struga Trim Lum ka firmosur kontratë dy vjeçare, ndërsa i njëjti së fundmi ishte pjesë e Renovës.

Ai në një prononcim për faqen zyrtare të klubit strugan, ka treguar edhe arsyen pse zgjodhi pikërisht Struga Trim Lum për të vijuar karrierën e tij të bujshme. “Vendosa të luaj për Struga Trim Lum, pasi mendoj se është një skuadër shumë serioze dhe shumë mirë e organizuar. Ata kanë objektivat dhe qellimet e veta dhe çdo ditë po rriten si skuadër.

Shpresoj që të  jap maksimumin për këto ngjyra për të gëzuar skuadrën si dhe gjithë tifozët strugan” – u shpreh Fatjon Jusufi për faqen zyrtare te klubit.

Jusufi në futbollin vendor, përveç me Renovën kishte luajtur edhe me FC Shkupin, ndërsa Struga Trim Lum do të jetë skuadra e tij e tretë me të cilën do të luaj në Ligën e Parë, aty ku numëron gjithsej 168 ndeshje, 22 gola dhe 13 asistime.

Kujtojmë i njëjti në dy periudha të ndryshme kishte provuar veten edhe jashtë vendlindjes, duke veshur fanellën e Partizanit në Shqipëri dhe armenëve të Shirak, me të cilat skuadra kishte pasur aventura të shkurtëra.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat