Depay nuk është në planet e Xavit

Futboll

Depay nuk është në planet e Xavit

Më: 4 korrik 2022 Në ora: 00:08
Depay nuk është në planet e Xavit

Memphis Depay pritet që të largohet nga Barcelona, pasi që ai thuhet se nuk është në planet e klubit dhe trajnerit, Xavi.

Reprezentuesi holandez u transferua në “Camp Nou” si futbollist i lirë nga Lyoni në verën e kaluar, teksa shënoi 13 gola dhe dy asistime në 38 paraqitje në të gjitha garat.

Megjithatë, Depay nuk arriti të zë vend në formacionin bazë të Xavit, pas transferimit të Aubameyangut e Torresit. Ai gjithashtu vuajti nga lëndimet e shpeshta.

“Marca” ka raportuar se 28-vjeçari është informuar se ai nuk është pjesë e planeve të Xavit për sezonin e ardhshëm.

28-vjeçari nënshkroi vetëm kontratë dy-vjeçare me Barcelonën, që do të thotë se katalunasit mund ta humbin sulmuesin me parametra zero në vitin e ardhshëm.

Barça nuk dëshiron që kjo të ndodhë dhe sipas gazetës spanjolle, klubi synon të fitojë 25 milionë euro nga shitja e ish-sulmuesit të Manchester Unitedit e PSV Eindhovenit.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat