Dermaku mëson sa do të mungojë

Futboll

Dermaku mëson sa do të mungojë

Më: 9 gusht 2022 Në ora: 23:19
Dermaku

Starti i sezonit nuk ishte më i miri i mundshëm për Kastriot Dermakun.

Mbrojtësi i përfaqësueses shqiptare është dëmtuar në Kupën e Italisë në ndeshjen ku skuadra e tij u eliminua nga Çitadela. Një dëmtim i cili do ta bëjë të mungojë në startin e Serisë A.

Megjithatë, për fat të mirë situata nuk është shumë shqetësuese dhe Dermaku pritet të mungojë vetëm në dy javët e ardhshme për klubin i cili u kthye pas dy vitesh përsëri në elitë.

“Dermaku iu nënshtrua rezonancës magnetike e cila ka evidentuar një dëmtim të gradës së parë të bicepsin femoral të kofshës së majtë”, shkruhej në njoftimin e klubit.

Mediat italiane kanë mësuar kësisoj se për Dermakun do të jetë e nevojshme të bëjë pak ditë pushim, para se të kthehet përsëri në fushën e lojës me Leçen, për vijimin e sezonit ku ai do të jetë kapiteni i kësaj skuadre.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat