PSG nuk përmbahet

Futboll

PSG nuk përmbahet

Më: 13 nëntor 2022 Në ora: 15:06
PSG nuk përmbahet

Paris Saint-Germain ka marrë një fitore të thellë 5-0 kundër Auxerre në javën e pesëmbëdhjetë të kampionatit francez, e fundit para fillimit të Kupës së Botës.

Trajneri Galtier nuk i ka kursyer yjet e ekipit të tij kur kanë mbetur vetëm pak ditë nga fillimi i Katar 2022 duke aktivizuar nga minuta e parë treshen Neymar, Messi, Mbappe.

Ka qenë ky i fundit që ka zhbllokuar ndeshjen e luajtur në Parkun e Princave, pas një aksioni të nisur me një pasim magjik të Leo Messi-t për Mendes.

Goleada ka ardhur në pjesën e dytë me golat e Soler (51′), Hakimi (57′), Sanches (81′) dhe Ekitike (84′), që i kanë dhuruar kampiionëve në fuqi të Francës një fitore spektakolare.

PSG, pas tri pikëve të marra sot, kryesojnë renditjen e Ligue 1 me 41 pikë, pesë më shumë se Lens-i i vendit të dytë. Messi me shokë do të kthehen në fushë për kampionatin francez më 28 dhjetor për ndeshjen  kundër Strasbourg.

comment Për komente lëvizni më poshtë
Sot mund të lexoni Shfletoni kopertinat