Ky është roli që pritet ta marr Del Piero në Juventus

Futboll

Ky është roli që pritet ta marr Del Piero në Juventus

Më: 1 dhjetor 2022 Në ora: 09:44
Alessandro Del Piero

Presidenti i ri i Juventusit, Gianluca Ferrero raportohet se do ta thërrasë Alessandro Del Piero për t’u rikthyer në klub për të ndihmuar Federico Cherubinin dhe Max Allegrin në menaxhimin e zonës sportive.

Bordi i ri i drejtorëve të Juventusit do të krijohet më 18 janar 2023, pasi anëtarët e mëparshëm të bordit dhanë dorëheqje të hënën e kaluar.

Sipas “Gazzetta dello Sport”, legjenda e klubit Alessandro Del Piero mund të emërohet në bordin e ri pasi presidenti Ferrero dhe kryetari i Exor John Elkann po planifikojnë të rithirrin ish-numrin.10 në klub, duke i ofruar atij një rol operativ, përcjellë KosovaPress.

Në letër, Del Piero duhet të zëvendësojë Pavel Nedved-in, ish-zëvendëspresidentin që dha dorëheqjen të hënën, së bashku me pjesën tjetër të bordit.

Del Piero mund të zëvendësojë Nedvedin duke u bërë zëvendëspresident i Juventusit, por bisedimet me ish-nr.10 nuk kanë filluar ende.

commentFirst article
Sot mund të lexoni Shfletoni kopertinat