Eden Hazard përfundon sërish në infermieri duke konfirmuar një lloj mallkimi me fanellën e Real Madrid duke qenë se vuan shumë në aspektin fizik prej momentit kur është transferuar në kryeqytetin spanjoll.
Së fundmi, klubi madrilen nëpërmjet një komunikate për shtyp zbulon se 32-vjeçari vuan nga një dëmtim në tendinën e gjurit të majtë ndërsa nuk ka një datë për rikthimin e belgut.
Në njoftimin e madrilenëve theksohet se Hazard do të mbahet nën vëzhgim me dëmtimin që ende nuk dihet si do të evuolojë.
Në këtë sezon me fanellën e Realit, Hazard është aktivizuar në vetëm tre ndeshje të La Liga-s pa gjetur rrugën e rrjetës në asnjë prej tyre.
Nga ana tjetër, sulmuesi është aktivizuar në tre ndeshje edhe në Champions League, aty e ka shënuar një gol.
Megjithatë, pritet që ky të jetë sezoni i fundit i Hazard me Real Madrid duke rezultuar një dështim total për pritshmëritë e spanjollëve.
