​Ancelotti: Valverde është mirë, nuk dua të flas për atë që ka ndodhur

Futboll

​Ancelotti: Valverde është mirë, nuk dua të flas për atë që ka ndodhur

Më: 11 prill 2023 Në ora: 15:21
Trajneri i Real Madridit Carlo Ancelotti

Uruguaiani Fede Valverde është përfshirë së fundmi në një situatë delikate që nga e shtuna, pasi u akuzua për sulm ndaj lojtarit të Villarrealit, Álex Baena.

Versionet e ndryshme të asaj që motivoi sulmin në garazhin e stadiumit “Santiago Bernabeu” pas ndeshjes mes dy skuadrave vetëm sa e thelluan problemin, me Valderden që thotë se atij iu përmend gruaja e tij shtatëzën dhe Baena që i mohon këto pretendime.

Trajneri i Real Madridit Carlo Ancelotti, i cili po përgatitet të ballafaqohet me Chelsean të mërkurën, në ndeshjen e parë të çerekfinales së Ligës së Kampionëve, nuk pranoi të komentojë drejtpërdrejt për rastin, por foli se si ndihet lojtari.

“Ai ka qenë mirë, i motivuar, është stërvitur mirë dhe nesër do të japë gjithçka, jam i sigurt. E njoh shumë mirë, ka shumë cilësi njerëzore. Por nuk dua të flas për atë që ka ndodhur”, tha Ancelotti.

comment Për komente lëvizni më poshtë
Sot mund të lexoni Shfletoni kopertinat