Besart Krivanjeva zhvilloi një sezon mjaft të mirë me Strugën në kampionatin e Maqedonisë së Veriut. Megjithatë, kjo nuk i ka mjaftuar mbrojtësit 29-vjeçar të qëndrojë në ekipin shqiptar.
Struga ka njoftuar ditën e sotme se ka mbyllur bashkëpunimin me Besart Krivanjevën.
“Përfundojmë bashkëpunimin me mbrojtësin Krivanjeva. Besart Krivanjeva pjesë e Struga Trim Lum ishte për dy vite e gjysmë...”, shkruan klubi shqiptar.
Mbrojtësi 29-vjeçar u transferua te Struga në janarin e vitit 2023 nga Gjilani si një lojtar i lirë. Rikujtojmë se Krivanjeva ishte pjesë e Egnatias në sezonin 2021/22 në Kategorinë Superiore.
