Dy gola në tri ndeshje

Futboll

Dy gola në tri ndeshje

Më: 2 nëntor 2025 Në ora: 17:11
Jamie Vardy

Jamie Vardy ka shënuar tashmë dy gola në tre ndeshjet e fundit, pasi realizoi një gol ngushëllimi në minutat e fundit për Cremonesen në humbjen 2-1 ndaj Juventusit të Luciano Spallettit të shtunën mbrëma.

Ish-reprezentuesi i Anglisë shfrytëzoi shpejtësinë dhe forcën e tij për të mposhtur Federico Gattin pas një topi të gjatë mbi mbrojtje, e mbajti topin deri në zonë dhe e dërgoi saktë në këndin e poshtëm të portës së Michele Di Gregorios.

Vardy, i cili iu bashkua Cremoneses këtë verë pas 13 viteve me Leicester Cityn, ka shënuar dy gola në tre ndeshjet e fundit në Serie A dhe tani është golashënuesi i dytë më i mirë i skuadrës në ligë dhe në të gjitha kompeticionet.

Vetëm Federico Bonazzoli (4 gola) ka shënuar më shumë se anglezi për Cremonesen këtë sezon.

comment Për komente lëvizni më poshtë
Sot mund të lexoni Shfletoni kopertinat