Valentin Barco drejt Premier Leagues

Futboll

Valentin Barco drejt Premier Leagues

Më: 5 prill 2026 Në ora: 20:14
Valentin Barc

Valentin Barco pritet të jetë përforcimi i parë i Chelsea për sezonin 2026/27, pasi lojtari ka dhënë dritën jeshile për transferimin në Londër.

Sipas raportimeve të fundit nga mediat ndërkombëtare, mbrojtësi i majtë argjentinas ka pranuar projektin e klubit londinez dhe ka shprehur gatishmërinë për të bërë hapin e madh në karrierë drejt Premier League.

Barco, i njohur për teknikën, shpejtësinë dhe aftësinë për të kontribuar në fazën sulmuese, konsiderohet si një nga talentet më premtues të futbollit argjentinas.

Chelsea e sheh atë si një investim strategjik për të ardhmen, duke vazhduar politikën e afrimit të lojtarëve të rinj me potencial të lartë.

Negociatat mes klubeve pritet të intensifikohen në muajt në vijim, ndërsa marrëveshja personale me lojtarin tashmë duket e mbyllur.

Nëse gjithçka shkon sipas planit, Barco do të zbarkojë në “Stamford Bridge” si afrimi i parë i madh për sezonin e ri.

comment Për komente lëvizni më poshtë
Sot mund të lexoni Shfletoni kopertinat