Anglia e mbylli Kupën e Botës 2026 në vendin e tretë, pasi e mposhti Francën me rezultatin spektakolar 6-4.
Pas ndeshjes, përzgjedhësi Thomas Tuchel u shpreh krenar për karakterin dhe paraqitjen e skuadrës së tij, duke theksuar se “Tre Luanët” e kanë ndërtuar një grup me potencial të jashtëzakonshëm për të ardhmen.
Trajneri gjerman e vlerësoi paraqitjen e futbollistëve të tij dhe mënyrën se si reaguan në një ndeshje me ritëm të lartë.
“Jam shumë i lumtur me mënyrën se si luajtëm. Ishte një ndeshje e çmendur, por skuadra tregoi personalitet, cilësi dhe dëshirë për të fituar deri në fund. Ky vend i tretë nuk ishte objektivi ynë kryesor, por e mbyllëm turneun me krenari.”
Tuchel u ndal edhe te potenciali i brezit aktual të futbollistëve anglezë.
“Kjo skuadër ka diçka të veçantë. Kemi lojtarë të rinj me shumë talent dhe një grup që lufton për njëri-tjetrin. Jam i bindur se e ardhmja e Anglisë është shumë e ndritur.”
Në fund, ai i falënderoi tifozët për mbështetjen gjatë gjithë Botërorit.
“Mbështetja e tifozëve ka qenë e jashtëzakonshme. Na kanë qëndruar pranë në çdo moment dhe u jemi shumë mirënjohës. Tani duhet të vazhdojmë të punojmë me të njëjtin përkushtim, sepse jemi në rrugën e duhur.”
Me suksesin ndaj Francës, Anglia e mbylli Botërorin 2026 në vendin e tretë, ndërsa tani vëmendja e skuadrës së Thomas Tuchel do të zhvendoset te kualifikimet dhe objektivat e ardhshëm ndërkombëtarë.