FC Bashkimi 1947 nga Kumanova që po kalon në krizë të rezultateve në elitën e futbollit të Maqedonisë së Veriut, është përforcuar me dy lojtarë.
Në pesë ndeshjet e para ka po aq humbje Bashkimi, me goldallim 1:17 renditet në fund me 0 pikë.
“FC Bashkimi 1947 ka kënaqësinë të prezantojë dy përforcimet e fundit të ekipit, me të cilët edhe përmbyllim afatin kalimtar të verës.
Antonio Da Silva Sanca “Rashid” – sulmues krahu dhe qendre.
Elias Ghanim – sulmues krahu.
U urojmë të dy lojtarëve mirëseardhje në familjen e Bashkimit 1947 dhe shumë suksese me fanellën tonë!”, ka njoftuar KF Bashkimi.