Irlanda dhe Austria barazuan 2:2 në Dublin, edhe pse vendasit e mbyllën pjesën e parë me dy gola epërsi.
Protagonisti kryesor i Irlandës ishte Troy Parrott. Sulmuesi mori topin rreth 35–40 metra larg portës, avancoi drejt mbrojtjes austriake dhe u nis drejt portës, pavarësisht se ishte i rrethuar nga katër kundërshtarë.
Fillimisht kaloi topin mes këmbëve të një mbrojtësi, më pas shmangu një tjetër dhe e përfundoi aksionin me një goditje mes këmbëve të portierit austriak për 1:0.
Në fund të pjesës së parë, Parrott fitoi një penallti pas ndërhyrjes së Nicolas Seiwald ndaj Ryan Manning. Ai mori përsipër ekzekutimin dhe ishte i saktë për 2:0.
Austria reagoi në 20 minutat e fundit të ndeshjes. 71' Alexander Prass ngushtoi rezultatin në 2:1, ndërsa vetëm gjashtë minuta më vonë, 77' Michael Gregoritsch shënoi për 2:2.
Irlanda kështu e humbi epërsinë prej dy golash brenda një periudhe të shkurtër dhe u detyrua të kënaqej me një pikë.
Austria kryeson në Grupin 3 të Ligës B të Kombeve me 7 pikë, pasojnë Kosova me 4, Irlanda 4 dhe Izraeli me një pikë.