Me 15 maj u bë shumë zhurmë në ndeshjen e tretë të finales së play-off-it të Superligës së Kosovës në hendboll (femrat), mes Istogut dhe Vushtrrisë, të dy skuadrat shprehen pakënaqësi në referim.
Në minutën e 45-të, pas reagimeve të Vushtrrisë, për 6-7 minuta ishte ndërprerë ndeshja, pas ndeshjes reagoi ashpër edhe Istogu në referim.
Komesari i Garave i Federatës së Hendbollit të Kosovës, Istref Sadriu, sot ka inspektuar palestrën e sportit në Istog para ndeshjeve të gjysmëfinaleve, por siç shihet e ka edhe qenin me vete! Duket se i ka ndihmuar edhe qeni në disa aspekte. Sadriu shihet në shoqërim edhe me trajnerin e Istogut, Faruk Shala.
“Gjithçka është në rregull me palestrën e sporteve në Istog, ndeshjet mund të zhvillohen pa problem. Organizimi është i mirë.
Edhe Komesari i Garave i FHK-së, Sadriu, është i kënaqur me përgatitjet që janë bërë”, tha një anëtar i bordit të FHK-së, në kushte anonime për gazetën kombëtare “Bota sot”. Në orën 13.00 luhet ndeshja e parë e gjysmëfinales mes Ferizajt dhe Prishtinës (femrat).
