Burneta Rama në formën më të mirë, paralajmëron një Vushtrri edhe më të fortë  

Hendboll

Burneta Rama në formën më të mirë, paralajmëron një Vushtrri edhe më të fortë  

Nga: Kemajl Goca Më: 24 shtator 2021 Në ora: 13:08
Burneta Rama në formën më të mirë, paralajmëron një Vushtrri edhe më të fortë  

Vushtrria synon mbrojtjen e titullit të kampionit dhe të luftojnë edhe për trofeun e Kupës së Kosovës. 

Vushtrriaset e filluan furishëm edicionin e ri, me fitore bindëse me rezultat 50:31 ndaj Shqiponjës nga Gjakova.

Burneta Rama, prej hendbollisteve më të mira në vendin tonë, tha se forcën më të madhe të ekipit të saj e sheh në lojën e shpejtë.

Burneta është në formën më të mirë e cila në përballjen e parë realizoi 17 gola. 

“Vushtrria tash e sa vite e ka dëshmuar që ka qenë dhe është kandidate për të gjitha trofetë. 

Sigurisht që si kampione e Kosovës jemi duke punuar shumë në këtë drejtim dhe forcën më të madhe e shoh në lojën e shpejt.

Meqenëse klubi është i fokusuar me lojtare të reja dhe me perspektiv, mendoj që një lojë të shpejt e të sigurt e kemi një ndër forcat kryesore”, thotë Rama për gazetën kombëtare “Bota sot”.

Vushtrria po përgatiten për sfidën e radhës kundër Samadrexhës, në ndeshjen e javës së dytë të Superligës së Kosovës.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat