Lojë për infarkt mes kampionit të Kosovës dhe ekipit rumun, ky është rezultati përfundimtar

Hendboll

Lojë për infarkt mes kampionit të Kosovës dhe ekipit rumun, ky është rezultati përfundimtar

Nga: Kemajl Goca Më: 5 dhjetor 2021 Në ora: 18:35
Pamje nga ndeshja

Besa Famgas nga Peja, për një fije të flokut eliminohet nga garat evropiane.

Potaissa Turda ka shënuar fitore me rezultat 29:26 (13:12) ndaj Besës, në ndeshjen e kthimit të rrethit të tretë të Kupës së Evropës në hendboll (meshkujt).

Ndeshja e parë në Pejë, pati përfunduar me rezultat 30:28 në favor të Besës. 

Skuadra rumune kualifikohet me rezultat të përgjithshëm 57:56. 

Ndeshje e luftuar deri në qindtat e fundit sekondës, një Besë gjithnjë agresive ndaj vendasve. 

Besa e filloi shumë bukur e me epërsi, me rezultat 0:1, 0:3, 1:5, 4:8 në minutën e 17-të. 

Në 13 minutat e fundit të pjesës së parë, nuk u shkoi ashtu si duhet dhe vendasit afrohen në rezultat 7:8, 8:8 në minutën e 21-të. 

Më pas Potaissa Turda kalojnë në epërsi duke e përmbyllur pjesën e parë me 13:12 në favor të tyre.

Pjesa e dytë interesante, 14:12, 14:14 në minutën e 33-të. 

Në minutën e 18-të, 23:18 në favor te skuadrës rumune, pastaj ngushtohet në 24:21 (46’) e 26:23 (53’).

Nëntë minutat e fundit, dramë në palestrën sportive në Turda, Besa luftonte me të gjitha forcat.

Në minutën e 57-të, vendasit shtojnë epërsinë në 4 gola (29:25).

Potaissa Turda triumfon me rezultat 29:26.

Duhet theksuar se Besa ishte në veprimin e fundit, por nuk shënuan. 

Me 11 gola Nikolla Prçe është lojtari më i dalluari tek Besa e Alin Szoke me 7 dhe Cristian Ghita me 6 gola, janë më efikasit tek skuadra rumune. 

Kryetrajnerit Arben Muqolli, kësaj radhe fati sportiv ia ktheu shpinën, merituan kualifikimin.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat