Njihuni me prejardhjen e ish selektorit të Kosovës dhe çfarë thoshte për Verim Zherkën!

Hendboll

Njihuni me prejardhjen e ish selektorit të Kosovës dhe çfarë thoshte për Verim Zherkën!

Nga: Kemajl Goca Më: 5 janar 2022 Në ora: 14:02
Taip Ramadani

Një personalitet që la gjurmë si selektor i Kombëtares së Kosovës, është Taip Ramadani. 

Vitin e kaluar u largua nga pozita e selektorit dhe u rikthye në Australi.

Puna e tij në kombëtare të Kosovës ka qenë shembullore dhe e ka ngritur në nivelin më të mirë, ku sot është një Kombëtare që iu shkakton telashe edhe kombëtareve më të fuqishme.

Image

Taip Ramadani

Në një intervistë në vitin 2000 për autorin e këtij shkrimit kishte treguar edhe prejardhjen e tij. 

Familja e Taipit, në vitin 1969 u largua nga fshati Zarbicë e komunës së Dardanës dhe për shkaqe ekonomike emigroi në Sydney të Australisë, ndërsa në vitet e 1978 - 1986, jetoi edhe në fshatin Opajë të Kumanovës, për t'u kthyer sërish në Kontinentin e largët.

Taip Ramadani ka qenë reprezentues i Australisë në vitin 2000 dhe ka shënuar pesë gola ë Lojërat Olimpike – “Sydney 2000”. Madje në vitin 2000 kur ka dhënë intervistën ka qenë hendbollist i Sydneyt.

“Hendbolli kosovar ka ruajtur vlerat e tij, ndonëse sporti kosovar ishte nën okupim, madje dhjet vjet. Më gëzon shumë që e shoh Verim Zherkën, hendbollistin e Prishtinës, përvoja e të cilit do të thotë shumë për të rinjtë tjerë”, ka thënë Ramadani në vitin 2000.

Duhet theksuar se Ramadani ka drejtuar Kosovën nga viti 2016 e deri në fillim të vitit 2021, duke ndërtuar një Kombëtare për lakmi.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat