Kastrioti i Ferizajt ngadhënjeu me rezultat bindës 41:23 ndaj Llapit në Podujevë.
Pas javës së 12-të ën Superligën e Kosovës në hendboll, Kastrioti kryeson me 22 pikë e ka dy më shumë se Rahoveci në vendin e dytë.
Trepça e mban vendin e 5-të me 8 pikë sa ka edhe Llapi në të 6-tin.
“Djemtë tanë treguan forcë, disiplinë dhe dominim nga fillimi deri në fund të ndeshjes!
Në përballjen kundër KH Llapi, arritëm një fitore bindëse me rezultat 23:41.
Lojë e shkëlqyer në të dyja fazat, angazhim maksimal nga çdo lojtar.
Fitore e merituar dhe motivuese për sfidat në vazhdim.
Faleminderit tifozëve tanë për mbështetjen e vazhdueshme!”, thuhet nga KH Kastrioti.
Kampioni në fuqi, Rahoveci, pa telashe ka fituar në Mitrovicë me rezultat 45:26 ndaj Trepçës.
“Fitojmë në Mitrovicë - vikendin tjetër derbi me Kastriotin për kampion vjeshtor.
Kemi realizuar fitore fantastike në Mitrovicë e cila konfirmon formën e lartë të ekipit para derbit të madh në Rahovec”, shkruan në faqen e KH Rahovecit.