Besa Famgas është kampione e Kosovës në hendboll në grupmoshën e kadetëve.
Për herë të parë liga e kadetëve (U18) ka përfunduar me plejof.
Në finale u kualifikuan Besa Famgas dhe Kastrioti.
Të dy ndeshjet ishin shumë të forta e dramatike.
Fillimisht më 19 maj në Pejë, Besa Famgas fitoi 39:36 pas vazhdimeve nga pesë minuta.
Pas vazhdimeve u vendos edhe finalja e dytë, e zhvilluar në Ferizaj.
Besa Famgas fitoi 41:40, për ta festuar titullin e kampionit.
Ajan Muqolli i shënoi 17 gola për Besën. Shtatë i kishte Olt Bajrami e pesë Elton Thaqi.
Rron Bajrami, Adonis Ahmeti dhe Bartol Vlahovic i shënuan nga 9 gola për Kastriotin.
Kupën e kampionit, kapitenit të Besa Famgas, Elton Thaqi, ia dorëzoi nënpresidenti i FHK-së, Xhavit Morina.