​Punëtorët e sigurimit dhe higjienikë do të marrin shtesë nga 100 euro

Kosova

​Punëtorët e sigurimit dhe higjienikë do të marrin shtesë nga 100 euro

Më: 1 shkurt 2021 Në ora: 15:32
Sindikata e Pavarur e Sektorit Privat të Kosovës

Sindikata e Pavarur e Sektorit Privat të Kosovës dhe Ministria e Financave sot kanë arritur një marrëveshje për pagesa shtesë për punonjësit e sektorit privat që janë shërbyes në institucionet shtetërore.

Jusuf Azemi në një konferencë për media pas takimit me ministren në detyrë të Financave, Hykmete Bajrami tha se të gjithë punëtorët e sigurimit fizik dhe higjienik nga muaj shkurt do të marrin nga buxheti i shtetit nga 100 euro.

“Për të njoftuar lidhur me marrëveshjen ndërmjet Qeverisë, përkatësisht të Ministrisë së Financave dhe sindikatës të sektorit privat, është se kemi arritur një marrëveshje me Qeverinë e Kosovës për pagën shtesë për kompanitë private që kryejnë shërbime në institucionet shtetërore. Punëtorët e sigurimit fizik dhe higjienik me pagën e muajit shkurt do të marrin nga 100 euro shtesë, si dhe do të vazhdojë ky stimulim për shkak të pandemisë, për mars dhe prill”, tha ai.

Shfaq komentet
comments powered by Disqus
Sot mund të lexoni Shfletoni kopertinat