Vetëm për një ditë Kosova ka importuar 657 mijë euro energji elektrike

Kosova

Vetëm për një ditë Kosova ka importuar 657 mijë euro energji elektrike

Më: 26 nëntor 2021 Në ora: 19:08
Foto ilustrim

Kompania Kosovare për Distribuim me Energji Elektrike, KEDS, ka apeluar tek konsumatorët që ta kursejnë energjinë elektrike.

Krahas kësaj thirrjeje ata kanë njoftuar se vetëm për të mërkurën e 24 nëntorit është importuar rrymë në vlerë prej 657 mijë e 311 euro.

“Vetëm për një ditë të vetme të nëntorit (24 nëntor) është importuar energji elektrike në vlerë monetare prej 657.311.29 EUR. Nëse e krahasojmë me një vit më parë cmmi është 7 fish më i lartë. Pra, nga 98,541,50 EUR sa ishte totali i importit në vitin 2020 për këtë datë, sivjet ka arritur ne 657.311.29 EUR”.

“Me rënien e temperaturave do të rritet nevoja edhe për më shumë sasi të importit, e kjo është shqetësuese për faktin se cmimet e importit tashmë janë pesfishuar. Në këtë krizë energjetike, është mese e domosdoshme të kursehet energjia”.

“Vetëm krejt bashkë mund të kemi ndikim, andaj apelojmë të gjithë konsumatorët për kursim”.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat