Kryetari Haliti priti në takim klerikët fetar

Kosova

Kryetari Haliti priti në takim klerikët fetar

Më: 3 dhjetor 2021 Në ora: 11:21
Pamje nga takimi

Kryetari i komunës së Vitisë, Sokol Haliti ka pritur sot në takim përfaqësuesit e komuniteteve fetare myslimane, katolike dhe ortodokse të kësaj komune. Me këtë rast ai ka falënderuar ata për bashkëpunimin e mirë me komunën tonë në interes të qytetarëve vitias te të gjitha komuniteteve fetare dhe nacionale duke folur edhe për rëndësinë që kanë ata në shoqëri.

“Ju jeni një hallkë e rëndësishme në shoqëri, bashkërisht me ju do të jemi në shërbim të qytetarëve pa dallime” u shpreh kryetari Haliti. Ai gjithashtu ju urojë festat e fund vitit komuniteteve në fjalë.

Ndërkaq në emër të komuniteteve fetare kanë folur, Husamedin Hoxha, kryetar i Këshillit të Bashkësisë Islame në Viti, Dom Jeton Thaçi, përfaqësues i kishës katolike në Viti, dhe Branislav Denic, përfaqësues i Kishës Ortodokse.

Klerikët fetar e uruan kryetarin Haliti për mandatin e ri, duke potencuar se ata do të bashkëpunojnë me komunën e Vitisë, në aktivitetet e ndryshme që kanë për qëllim mirëqenien e qytetarëve dhe komuniteteve fetare duke ruajtur edhe bashkëpunimin e mirë ndërfetarë në Viti.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat