Shërbimi Spitalor Klinik e Universitar i Kosovës ka bërë të ditur se Shtetet e Bashkuara të Amerikës i kanë dhuruar atyre pajisje mjekësore për trajtimin e pacientëve të prekur me COVID-19.
Sipas SHSKUK’së, pajisjet janë donacion nga Zyra në Mbrojtje pranë Ambasadës së Amerikës në Prishtinë.
Ato i dorëzoi sot i ngarkuari me punë në Ambasadën Amerikane, Nicholas Giacobbe.
“Pajisjet- donacion nga Zyra në Mbrojtje pranë Ambasadës së Amerikës në Prishtinë, i dorëzoi i ngarkuari me punë në Ambasadën Amerikane, Nicholas Giacobbe, të cilat i pranuan në një ceremoni zyrtare ministri i Shëndetësisë, Rifat Latifi, kryesuesja e Bordit të SHSKUK-së, Agreta Gecaj- Gashi, dhe drejtori i Përgjithshëm i SHSKUK-së, Valbon Krasniqi”, thuhet nga SHSKUK.
