Ministri Faton Peci viziton fermerët llapjanë që pësuan dëme nga breshëri

Kosova

Ministri Faton Peci viziton fermerët llapjanë që pësuan dëme nga breshëri

Më: 22 qershor 2022 Në ora: 21:30
Faton Peci në Llap

Pas stuhisë e cila preku disa rajone të vendit tonë, e cila ishte e shoqëruar edhe me shira dhe breshër, ministri i Bujqësisë Faton Peci ka vizituar sot fshatrat Lupq i Poshtëm, Lupq i Epërm, Popovë dhe Majancë, për të parë nga afër dëmet e shkaktuara në fermat e bujqve të kësaj ane.

Ai me këtë rast njoftoi fermerët mbi procedurat rreth kompensimit të dëmeve.

“Bujqit që kanë pësuar dëme në sektorin e bujqësisë nga fatkeqësitë natyrore, siç janë erërat e forta, breshëri, vërshimet, përmbytjet dhe ngricat duhet të drejtohen në Drejtorinë Komunale për Bujqësi dhe të raportojnë për to, pasi secila komunë mbledh të dhëna dhe evidenton dëmet e shkaktuara nga fatkeqësitë natyrore dhe ato raporte pastaj i sjellin në Ministrinë e Bujqësisë për procedim të mëtejmë”, sqaroi ministri Peci.

Ai u bëri apel komunave që pësuan nga fatkeqësitë natyrore që procesi i vlerësimit të dëmeve të jetë sa më objektiv, për të evituar vonesat në procedimin e pagesave gjatë verifikimit nga MBPZHR-ja.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat