Vërshimet në Istog, tetë komisione në terren për vlerësim të dëmeve

Kosova

Vërshimet në Istog, tetë komisione në terren për vlerësim të dëmeve

Më: 20 janar 2023 Në ora: 12:45
Istog

Kryetari i Istogut, Ilir Ferati ka bërë të ditur se sot në takimin e përbashkët të Shtabit Emergjent Komunal, ku është diskutuar lidhur me situatën e krijuar si pasojë e reshjeve të shumta të shiut, është konstatuar se gjendja aktuale është e menaxhueshme.

Ai ka potencuar se tetë komisionet e formuara sot do të dalin në terren që të bëjnë vlerësimin e dëmeve të shkaktuara në ekonomitë familjare, biznese dhe në bujqësi.

“Bashkë do e kalojmë këtë sfidë!”, ka shkruar Ferati në Facebook.

Instituti Hidrometeorologjik i Kosovës, sot ka informuar se situata e përgjithshme hidrometeorologjike në pjesën më të madhe të vendit ditëve të fundit është përkeqësuar si pasojë e reshjeve intensive të shiut, sidomos në disa pjesë të vendit.

Sipas IHMK-së, situata më e rënduar është në pjesën perëndimore, veriperëndimore dhe veriore të vendit.

Instituti ka bërë të ditur se reshjet e shiut me intensitet të ndryshur, pritet të vazhdojnë edhe gjatë ditëve në vazhdim, deri më 25 janar, duke u bazar në situatën e vështirërsuar hidrologjike, ku lumenjtë kanë dalur prej shtetërve të tyre, duke shkaktuar përmbytje.

Ndryshe, si pasojë e reshjeve të dendura të shiut, dje janë shkaktuar vërshime në disa komuna të Kosovës, si Pejë, Mitrovicë, Istog, Podujevë, Skenderaj.

comment Për komente lëvizni më poshtë
Sot mund të lexoni Shfletoni kopertinat