Kurti konfirmon rikandidimin e Shpejtim Bulliqit për kryetar të Podujevës

Kosova

Kurti konfirmon rikandidimin e Shpejtim Bulliqit për kryetar të Podujevës

Më: 30 maj 2025 Në ora: 20:04
Albin Kurti dhe Shpejtim Bulliqi

Kryetari i Lëvizjes Vetëvendosje, Albin Kurti, ka njoftuar se kryetari aktual i Komunës së Podujevës, Shpejtim Bulliqi do të jetë kandidat i kësaj partie edhe në zgjedhjet e ardhshme lokale për kryetar të kësaj komune.

Kurti, përmes një postimi në Facebook, ka thënë se “Shpejtim Bulliqi e ka besimin e qytetarëve të Podujevës dhe të Lëvizjes Vetëvendosje”.

“Me këtë mbështetje të merituar, kryetari Bulliqi do ta drejtojë komunën edhe për një mandat tjetër për ta vazhduar rrugën e mirëqeverisjes, zhvillimit dhe shërbimit të drejtë ndaj qytetarëve”, ka shkruar Kurti.

Kurti ka marrë pjesë në takimin e sotëm të Kryesisë së Qendrës së Lëvizjes Vetëvendosje në Podujevë, ku Shpejtim Bulliqi është nominuar kandidat për mandatin e rradhës si kryetar i Komunës së Podujevës.

comment Për komente lëvizni më poshtë
Sot mund të lexoni Shfletoni kopertinat