​Babai raporton se djali i tij ia vodhi veturën dhe 2.100 euro në Fushë Kosovë

Kronikë

​Babai raporton se djali i tij ia vodhi veturën dhe 2.100 euro në Fushë Kosovë

Më: 17 tetor 2026 Në ora: 09:31
Fotoilustrim

Një burrë në Fushë Kosovë ka raportuar në polici se djali i tij ia ka vjedhur veturën dhe një shumë parash prej 2.100 eurosh.

Sipas raportit të Policisë së Kosovës, rasti ka ndodhur më 16 tetor, rreth orës 02:00, në lagjen 28/29.

Ankuesi ka deklaruar se pas vjedhjes, djali i tij është larguar në drejtim të panjohur.

“Lagja-28/29 Fushë Kosovë 16.10.2026-02:00. Ankuesi mashkull kosovar, ka raportuar se djali i tij i ka vjedhur veturën dhe një shumë parash prej 2100 € dhe është larguar në drejtim të panjohur”, thuhet në njoftimin e policisë.

Policia ka njoftuar se rasti është nën hetime. 

Sot mund të lexoni Shfletoni kopertinat