Isamedin Azizi – anëtarë i ri i komisionit maqedono-bullgar për çështje historike

Maqedonia

Isamedin Azizi – anëtarë i ri i komisionit maqedono-bullgar për çështje historike

Më: 12 janar 2021 Në ora: 22:26
Isamedin Azizi

Qeveria ka caktuar Isamedin Azizin anëtar të Komisionit Maqedonas-Bullgar për Çështjet Historike. Vendimi u mor në seancën e sotme të qeverisë, dhe siç mësoi Telma, komisioni nuk ishte informuar për këtë.

Qeveria thotë se Azizi zëvendëson Aleksandar Litovski, nga Instituti i Historisë Kombëtare, kontrata e të cilit ka skaduar. Azizi bëhet anëtar i komisionit me propozim të Ministrisë së Punëve të Jashtme.

Komisioni i ngritur në bazë të marrëveshjes së fqinjësisë së mirë me Bullgarinë ka një total prej 14 anëtarësh, shtatë nga secili prej të dy vendeve dhe numri i anëtarëve nuk mund të ndryshohet.

Azizi është docent, bashkëpunëtor kërkimor në Institutin e Historisë Kombëtare në Shkup. Ai u diplomua për histori në Fakultetin Filozofik në Shkup dhe mori gradat master dhe doktoraturë në Institutin e Historisë Kombëtare për tema që lidhen me shqiptarët në Ballkan. Fusha e tij e hulumtimit është historia e Ballkanit në shekullin e 20-të.

commentFirst article
Sot mund të lexoni Shfletoni kopertinat