Kuvendi do të vendosë nëse do të fillojmë negociatat e Maqedonisë së Veriut me BE-në

Maqedonia

Kuvendi do të vendosë nëse do të fillojmë negociatat e Maqedonisë së Veriut me BE-në

Më: 5 korrik 2022 Në ora: 17:04
Kuvendi i Maqedonisë së Veriut

Kryeministri Dimitar Kovaçevski sot në konferencën e përbashkët për media me kryetarin e Këshillit Evropian, Charles Michel theksoi se Kuvendi do të marrë vendim nëse do të fillojë negociatat me BE-në.

Sipas Kryeministrit, Kuvendi do të nxjerrë konkluzione pasi Qeveria t’ua dorëzojë deputetëve propozimin evropian.

“Përfaqësuesit e të gjitha partive politike parlamentare janë të përfaqësuar në Kuvend dhe aty do të kenë takime, ku normalisht do të marrin pjesë përfaqësues nga radhët e tyre dhe në të cilat duhet të diskutohen konkluzionet në lidhje me propozimin evropian që e kemi marrë nga BE-ja”, tha Kovaçevski konferencë e përbashkët për shtyp në Qeveri.

Kovaçevski dhe Michel paraprakisht theksuan se propozimi evropian për fillimin e negociatave përmban të gjitha qëndrimet dhe kundërshtimet e Maqedonisë së Veriut, si dhe se negociatat mund të fillojnë menjëherë pas miratimit.

Siç u njoftua, propozimi parasheh një gjuhë të pastër maqedonase, të barabartë me gjuhët e tjera të vendeve anëtare të BE-së.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat