Kryetari i OBRM-PDUKM-së, Hristijan Mickoski sot kishte takim me zv.ministrin për Çështje Evropiane të Suedisë, Christian Danielson dhe drejtorin e përgjithshëm të Ministrisë së Punëve të Jashtme, Torbjorn Solstorm.
Në takim u bisedua për problemet aktuale me të cilat ballafaqohet Maqedonisë, ndërsa kreu i OBRM-PDUKM-së theksoi se nuk do të ketë ndryshime kushtetuese nën diktatin bullgar. Nga OBRM-PDUKM njoftojnë se Mickoski në takim ka potencuar se kjo përbërje parlamentare nuk ka mandat nga qytetarët për të marrë pjesë në një proces të tillë.
“OBRM-PDUKNM angazhohet që Maqedonia të jetë anëtare e barabartë e Bashkimit Evropian. Maqedonia duhet të jetë pjesë e familjes së madhe evropiane”, u shpreh Mickoski në takim.
Gjithashtu në takim u tha se Maqedonia me këtë Qeveri po fundoset në krim dhe korrupsion dhe se Qeveria e, siç thonë nga kjo parti, e BDI-së e mbështetur nga LSDM thellon krizën ekonomike dhe i varfërojnë qytetarët.
