Çka po ndodh në Bosnjë dhe Hercegovinë dhe sa jemi të rrezikuar nga ngjarjet e atjeshme?

Opinione

Çka po ndodh në Bosnjë dhe Hercegovinë dhe sa jemi të rrezikuar nga ngjarjet e atjeshme?

Nga: Lirim Gashi Më: 20 tetor 2021 Në ora: 16:40
Lirim Gashi

Franca dhe Gjermania ia kanë hapur dyert dhe dritaret Dodikut për ta realizuar planin e Vuçiqit dhe Putinit për ndarjen e Republika Srpskas nga Bosnja dhe Hercegovina.

Ndërsa Kroacia mezi po pret për ta aneksuar Herceg-Bosnen dhe ndoshta për t'ia grabitur Dodikut edhe një pjesë të Posavines dikur të banuar ekskluzivisht me kroatë.

Ardhja e Kristofer Hillit si Ambasador në Serbi është e vetmja shpresë që USA t'ia zbehë guximin Rusisë për t'i ndihmuar haptas Serbisë për realizimin planprojektit "Bota Serbe" .

Në fakt Rusia nuk e ka fare dert nëse e shndërron Serbinë në mish për top, ashtu siç ka bërë gjithmonë, sepse interesat e saja parësore strategjike, ekonomike, energjetike dhe të sigurisë janë Ukraina dhe Azerbexhani.

Natyrisht pjesëmarrja aktive e ambasadorit rus në protestat në Veri, kishte për qëllim nxitjen dhe inkurajimin e Listës Serbe për organizimin e një sulmi të armatosur kundër Njësisë sonë Speciale.

Dhe ky sulm pastaj do t'i shitej Bashkësisë edhe ashtu të irrituar Ndërkombëtare si mbrojte e popullatës serbe nga rrezikimi fizik.

Fatmirësisht rreziku nga shpërthimi i konfliktit të hapur, u evitua falë maturisë dhe profesionalizmit të lartë të Njësisë sonë Speciale. 

Kjo është dëshmi që Rusia po përpiqet ta ndez një konflikt të ri në Ballkan e vetëdijshme për domino-efektin. 

Në të njëjtën kohë ajo po përpiqet ta zhvendos fokusin e USA nga Ukraina, në mënyrë që ta fusë këtë të fundit e pa penguar në kthetrat e saj.

Në anën tjetër Serbia edhe pse e pasigurt se a do ta mbajë Rusia fjalën, po i bën publike qëllimet dhe synimet e saja gllabëruese, që nuk dallojnë fare nga ato të Millosheviqit 

Po i bënë publike përmes veprimeve dhe aksioneve sabotuese dhe destruktive të Kishes  së saj Klerofashiste, të cilat se fundmi i pamë në Mal të Zi.

Sepse tensionimi i gjendjes në Kosovë dhe rrezikimi i suverenitetit të Malit të Zi, ia ngrit asaj çmimin në tavolinën e bisedimeve, ose për ta aneksuar me pajtimin e fuqive të mëdha Veriun tonë, ose për ta arritur bashkimin e papenguar me Republika Srpsken.

Sepse Uashingtoni dhe Brukseli në kohën e Trumpit njeriut të Putinit e patën humbur katër vjet rresht rrugën dhe orientimin në kohë dhe hapësirë, si qurat në mjegull.

Fatmirësisht Joe Biden i fitoi zgjedhjet presidenciale dhe përmes Christopher Hill dhe të dërguarit special për Ballkanin Rodriguez po bëhet sërish shef në Arenën e Gladiatorëve.

Roli i Angela Merkel në këtë mezlisht të djallit nuk po del aq i qartë dhe pozitiv sa kemi menduar dhe shpresuar sepse ajo pas vetes po e lë një kaos të paparë në Ballkanin Perëndimor.

Natyrisht Gjermania i kishte në kohën e Trump duartë e lidhura edhe nga Uashingtoni edhe nga Parisi, prandaj Marrveshja e Berlinit ishte e tëra që mundi të bëjë për ne. 

Dhe kushdo që atë marrëveshje e sheh si pozitive për Kosovën nuk kupton asgjë as nga politika as nga diplomacia.

Kosova e sabotuar nga Hashim Thaçi, Edi Rama dhe Ali Ahmeti mbeti ende me suverenitet të pacenuar vetëm dhe vetëm falë ardhjes së Joe Biden në postin e Presidentit të SHBA.

Prandaj nuk mund të çmohet mjaftueshëm lartë gjesti i Presidentes Osmani, kur ia ndau djalit të tij të ndjerë, medaljen e njeriut të merituar për Kosoven.

Për ta kuptuar më qartë mesazhin e shkrimit tim po ua ilustroj një bisedë të Çedomir Jovanoviç me gazetarin e njohur boshnjak Hadžifejzić.

Čedomir Jovanović 30 minuta rresht flet me gazetarin e njohur boshnjak Hadžifejzić për rrezikun nga lufta në Bosnjë dhe Hercegovinë, që do të përhapet në tërë Ballkanin Perëndimor dhe më gjerë.

Unë mes rreshtash e lexova një marrëveshje të fshehtë të Vučićit me Orbanin që nëse ky i fundit i ndihmon atij që Kosova dhe Republika Srpska, Mali i Zi dhe një pjesë e Maqedonisë të bëhen pjesë të Serbisë, atëherë ai do t'ia kthejë atij Vojvodinen. 

Në një bisedë përmes Skype me gazetarin e njohur boshnjak Hadžifejzić ai 30 minuta rresht flet për rrezikun nga lufta pa e fajësuar asnjë herë të vetme Vuçiqin dhe me këtë dëshmon se ia ka shitur atij shpirtin.

Sepse e kërcënon Bosnjën me luftë në mënyrë shumë të pandershme dhe perfide duke i shpallur popullit boshnjak njëkohësisht dashuri, dhe e bën aq depresiv moderatorin, saqë ky i fundit mezi gjënë forcë për ta falënderuar dhe çlajmëruar nga emisioni. 

Thotë fajtorë janë të gjithë politikanët në Bosnjë dhe Hercegovinë që e lejojnë Dodikun të bëjë çfarë të dojë dhe tërë kohën e kërcënon Bosnjën me luftë duke i shpallur asa dashuri, në tentimin për t'i fshehur këmbët e gjarprit.

Në fakt shihet qartë se Jovanović është i shantazhuar nga Vučić për shkak të lidhjeve të tij dubioze me Klanin e Zemunit dhe rolit të tij klandestin në eliminimin e kryeministrit të ndjerë Đinđić. 

Thotë se Bashkësia Ndërkombëtare është lodhur nga mosmarrëveshjet e brendshme ndërmjet të trija entiteve dhe është dorëzuar

E bënë këtë duke i fajësuar vetëm shkarazi por jo decidivisht përfaqësuesit e lartë të Brukselit dhe UNO-s.

Kushdo që e sheh këtë emision do ta vërejë qartazi se Jovanović është bërë njeriu i Vučićit dhe një lojtarë tepër i rrezikshëm i luftës së tij speciale që ka për detyrë shkaktimin e panikut dhe pasigurisë tek popujt dhe shtetet fqinje.

Kjo është një dëshmi që Serbia ka hyrë në një aventurë nga e cila nuk mund ta gjejë rrugëdaljen pa ia thyer qafën vetvetes.

Vetëm do të thosha "Došao je đavo po svoje dijete", që shqip i bie "Erdhi djalli për ta ngrënë femiun e tij". 

Sepse Serbia është definitivisht një bastard i djallit.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat