Kulti i individit i dëmshëm për shtetin, rrënues për demokracinë!

Opinione

Kulti i individit i dëmshëm për shtetin, rrënues për demokracinë!

Nga: Florim Zeqa Më: 8 qershor 2022 Në ora: 06:49
Florim Zeqa

Diktati nga lartë-poshtë dhe mospërfillja e zërit të qytetarëve paraqet dhunim të demokracisë dhe instalim të diktaturës. Diktatura në demokraci është shumfish më e dëmshme për qytetarët dhe e rrezikshme për të ardhmen e vendit sesa ajo në sistemin njëpartiak.

Përgjumosja nga liria dhe pavarësia

Rënja e partive e politike nën ndikimin e autokratëve dhe karrieristëve është bërë pengesë profilizimit të partive politike dhe reformave substanciale për të mirën e vendit dhe interesin e qytetareve.

Liria e munguar për rreth një shekull, pas largimit të "çizmës" së pushtetit serb, na bëri të ndjehemi tepër komod dhe të relaksuar, duke menduar u liruam nga të gjitha të këqijat qindra vjeqare.

Përgjumosja e thellë që na solli liria, e në veçanti ri-shpallja e pavarësisë së 17 shkurtit 2008 ka filluar të na kthehet si bumerang kërcënues për të ardhmen e shtetit.

Përderisa ne e harruam të kaluarën e pushtimit serb, vuajtjet dhe sakrificat shekullore, Serbia nuk e harroi Kosovën!

Nga momenti i shpalljes së pavarësisë së 17 shkutrit, Serbia e filloj agresionin e saj politik ndaj pavarësisë së shtetit tonë.

Pothuajse të gjitha njohjet që i erdhen Kosovës janë produkt i SHBA-ve dhe disa shteteve mike brenda Bashkimit Evropian.

Përderisa liderët shtetërorë dhe partiak bënin garë se cili i kanë sjellë më shumë njohje shtetit të Kosovës, Serbia e vazhdoi luftën diplomatike për ç’njohjen e shtetit të Kosovës nga shtete të vogla nën ndikimin ruso-sllav.

Për dallim prej qeverive të kaluara, madje edhe ndaj asaj paraprake që e solli vetëm një njohje (nga Izraeli në fund të vitit 2020) të aranzhuar nga ish presidenti SHBA-ve, Donalld Trump, qeveria aktuale deri më tani nuk e ka asnjë rezultat sa u përket njohjeve.

I kishim 117 shtete njohëse të pavarësisë, por si rezultat i avancimit të politikës së jashtme serbe kundrejt asaj kosovare kanë ndodhur disa ç’njohje!

Por, për habi asnjë liderë shtetërorë dhe partiak nuk është në gjendje t’i mohojë ç’njohjet dhe as ta thotë numrin e sakt të shteteve njohëse që aktualisht i ka Kosova!

Alternativa e re politike, e vetmja mundësi për ndryshim

Ne shqiptarët, si njëri ndër popujt më të vjetër të Gadishullit Ballkanik, sikur të kishim afinitetin e bashkimit, dashurisë dhe respektin ndaj njëri-tjetrit siq e kemi të zgjuar ndjenjen e urrejtjes, të ndarjes dhe përçarjes, sot do të ishim njëri ndër popujt më të fuqishëm të botës së civilizuar dhe faktori kyq i të gjitha zhvillimeve politike jo vetëm në Ballkan por në mbarë kontinentin Evropian.

Zëri i ndërgjegjës kombëtare thërret si kushtrim në ndërgjegjën e atdhetarëve me gjak të pastër shqiptar, për bashkim të mendjeve dhe zemrave edhe njëherë sikurse në fillimvitet e '90-ta, për ta nxjerrë Kosovën nga kthetrat e uzurpatorëve dhe matrapazëve, nga rrënuesit e vlerave dhe traditave tona kombëtare.

Ndryshimet substanciale në skenën politike dhe shoqërore të vendit tonë, mund të arrihen vetëm me bashkimin e kapaciteteve intelektuale të qënjes sonë kombëtare, me bashkimin e të gjitha forcave progresive, të resurseve të shëndosha dhe të padjallëzuara njerëzore të vendit tonë.

Ngjizja dhe krijimi i një alternative të re politike nga elitat e pastra intelektuale është imperativ i ngutshëm kohor dhe i vetmi shpëtim për vendin, nga veprimtarët dhe atdhetarët e vërtetë konformë rrethanave kohore dhe zhvillimeve politike ndërkombëtare.

Alternativa e re politike nuk guxon të jetë vazhdimësi dhe as levë e asnjë subjekti politik ekzistues.

Secila nga subjektet aktuale politike, për të mirë apo për të keq e kanë dëshmuar vetën dhe se pragmatizmi dhe patrioztizmi i tyre fillon dhe përfundon me marrjen e pushtetit.

Vetëm ardhja në pushtet e një klase të re dhe të përgjegjshme politike, me figura të reja e jo të ricikluara, do të krijonte kushtet për zhvillim ekonomik dhe mirëqenje qytetare si dhe do të përmirësonte imazhin e rrënuar të shtetit të Kosovës në arenën ndërkombëtare.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat