Skiatorja e Zvicrës, Lara Gut-Behrami, ka përfunduar në vend të parë në disiplinën e sllallomit të madh të Kupës së botës, që u mbajt në Sun Valley të Shteteve të Bashkuara të Amerikës.
Lara Gut-Behrami doli e parë me kohë të kaluar për 2:10,01 apo me 14 qindtat para kampiones së Kupës së Botës, Federica Brignone dhe 80 qindtat se suedezja Sara Hectpr.
Skiatorja e Shqipërisë, Lara Colturi, ka përfunduar në vend të pestë me kohë më të dobët për 2 sekonda e 54 qindtat larg fituees së garës.
Lara Gut - Behrami
Në renditjen e përgjithshme të Kupës së Botës, Brignone është e para me 1594 pikë, duke lënë pas Gut-Behramin me 1272.
Brignone është kampione në sllallomin e madh duke u stolisur me “Globin e vogël të kristaltë”.
Ajo doli e para me 580 pikë e 60 më shumë se Robinson në vend të dytë.
Renditja
1. Lara Gut-Behrami (Zvicra 2:10,01
2. Federica Brignone (Italia) +0,14
3. Sara Hector (Suedia) +0,80
4. Thea Louise Stjernesund (Norvegjia) +2.30
5. Lara Colturi (Shqipëria) +2.54
6. Neja Dvornik (Sllovenia) +3.34
7. Wendy Holdener (Zvicra) +3.56
8. A.J. Hurt (SHBA) +3.61
9. Estelle Alphand (Zvicra) +3.66
10. Stephanie Brunner (Austria) +4.80
