Trajnerët norvegjezë përjashtohen pak javë para Lojërave Olimpike Dimërore

Skijim

Trajnerët norvegjezë përjashtohen pak javë para Lojërave Olimpike Dimërore

Më: 21 janar 2026 Në ora: 14:48
Foto ilustrim

Pak javë para fillimit të Lojërave Olimpike Dimërore, një skandal mashtrimi ka tronditur Norvegjinë.

Komiteti i etikës i Federatës Ndërkombëtare të Skive dhe Snowboard-it (FIS) vendosi pezullimin 18-mujor për dy trajnerë dhe ish-menaxherin e pajisjeve të ekipit të skive norvegjeze, pas gjetjes se ata kishin manipuluar kostumet e dy kërcimtarëve yje gjatë Kampionatit Botëror në Trondheim vitin e kaluar.

Videoja që zbuloi mashtrimin tregon se qepjet e paligjshme në zonën inguinale të kostumeve e bënin pajisjen më aerodinamikë, duke u mundësuar sportistëve të fluturonin më larg se konkurrentët.

Sportistët, kampioni olimpik Marius Lindvik dhe Johann André Forfang, thanë se nuk kishin dijeni dhe u pezulluan vetëm për tre muaj, duke u rikthyer për Lojërat Olimpike të muajit tjetër.

Vendimi i FIS vlerëson se manipulimi ishte një shkelje serioze e parimeve të drejtësisë dhe konkurrencës së ndershme, duke krahasuar ndikimin e tij me dopingun.

Trajnerët mund të apelojnë në Gjykatën e Arbitrazhit Sportiv në Zvicër, por vendimi pritet të ndikojë rëndë në karrierën e tyre sportive.

Norvegjia, një vend me traditë të fortë në Lojërat Olimpike Dimërore, po përballet me një goditje të rëndë për reputacionin e saj në sportin e skive.

comment Për komente lëvizni më poshtë
Sot mund të lexoni Shfletoni kopertinat