Sturla Holm Laegreid, qetësia që ndërton kampionë

Skijim

Sturla Holm Laegreid, qetësia që ndërton kampionë

Më: 9 shkurt 2026 Në ora: 15:31
Sturla Holm Laegrei

Më 3 dhjetor 2025, në pistën me borë të Kupës së Botës në në Ostersund të Suedisë, Sturla Holm Laegreid po garonte në ritëm maksimal, në përpjekje për të kapur bashkëkombësin e tij Johan-Olav Botn në garën e 20 kilometrave për meshkuj.

I lodhur fizikisht, Laegreid mbërriti në poligonin e qitjes, u shtri në pozicionin shtrirë dhe u përqendrua për pesë gjuajtjet vendimtare, me objektiva vetëm 45 milimetra në diametër, në një distancë prej 50 metrash. Me qetësi dhe kontroll të frymëmarrjes, ai realizoi goditje të pastra dhe u rikthye shpejt në pistë.

Edhe pse atë ditë nuk arriti fitoren — duke përfunduar i pesti — paraqitja e tij në poligon ishte një tjetër dëshmi e cilësive që e kanë ndërtuar karrierën e tij: qetësia nën presion.

Shtatë herë kampion bote, kampion olimpik dhe fitues i gjashtë titujve të Kupës së Botës, Laegreid mbetet një nga emrat kryesorë që pritet të jetë në garë për medalje në Lojërat Olimpike Dimërore Milano Cortina 2026.

comment Për komente lëvizni më poshtë
Sot mund të lexoni Shfletoni kopertinat