Sot në ambientet e Fakultetit të Edukimit Fizik dhe Sportiv është hapur zyrtarisht Liga Universitare e Sporteve, një iniciativë që bashkon studentët përmes aktiviteteve të ndryshme garuese.
Gjatë ceremonisë hapëse, dekani Florian Miftari dhe Sekretari i Përgjithshëm i ligës, Fidan Hamiti, vlerësuan lart interesimin dhe pjesëmarrjen masive në këtë edicion. Ky projekt synon të promovojë jetën aktive dhe socializimin përmes sporteve tradicionale dhe atyre inovative.
Garat e sivjetshme përfshijnë një gamë të gjerë disiplinash si futsalli, ping pongu, shahu, beach volleyball dhe basketbolli 3x3, ndërsa risi e këtij viti është përfshirja e sportit të padelit.
Menjëherë pas ceremonisë, kanë nisur ndeshjet e basketbollit 3x3, ku fillimisht u ballafaquan ekipet e djemve dhe më pas ato të femrave, duke i dhënë një nisje dinamike këtij sezoni sportiv universitar.