Hector Bellerin mund të rikthehet aty ku edhe fillojë të luante futboll, pikërisht te Barcelona.
Mbrojtësi spanjoll nuk është i lumtur te Arsenali dhe do të tentojë që të largohet sa më parë.
Kanidati për president të Barcelonës, Joan Laporta thuhet se do të tentojë transferimin e Bellerinit, raporton The Sunday Mirror.
Nëse 58-vjeçari i fiton zgjedhjet presidenciale në janar, atëherë do të tentojë transferimin e mbrojtësit të krahut në verën e ardhshme.
Kontrata aktuale e Bellerinit te The Gunners skadon në verën e vitit 2023, mirëpo Blaugranasit mund ta rikthejnë atë në Camp Nou për 25 milionë euro.
Mbrojtësi ishte pjesë e akademisë La Masia, derisa në vitin 2011 i ishte bashkuar Arsenalit të Arsene Wengerit.
