Southampton dje bëri befasinë duke mposhtur kampionin e Anglisë, Liverpool.
Ishte goli i ish lojtarit të “Reds”, Danny Ings që pas një gabimi të mbrojtësit të krahut të djathtë, Trent Alexander-Arnold doli të jetë vendimtar në ndeshje.
Anglezi që gjithmonë ka shkëlqyer nën urdhrat e Kloppit, por dje ishte në formë tejet të dobët.
Këtë e dëshmojnë edhe statistikat, meqenëse sipas Daily Mail, Alexander-Arnold ka humbur topin plotë 38 herë derisa sa u zëvendësua në minutën e 77-të nga James Milner.
Duke u bazuar në këto statistika, anglezi ka humbur topin çdo dy minuta sa ishte në fushë.
Kjo gjithashtu nënkupton që ai vendos rekord të ri duke u bërë lojtari me më së shumti topa të humbur në një ndeshje në Premierligë për këtë sezon.
