Partizani gati t’i “rrëmbejë” Tiranës Seferin

Futboll

Partizani gati t’i “rrëmbejë” Tiranës Seferin

Më: 6 janar 2021 Në ora: 13:41
Partizani gati t’i “rrëmbejë” Tiranës Seferin

Partizani pranë Taulant Seferit. Të kuqtë tashmë me dritën jeshile për të kryer lëvizje, kërkojnë të përfitojnë menjëherë nga bllokimi i merkatos së Tiranës duke u rrëmbyer bardhebluve një futbollist me të cilin drejtuesit e kampionëve ishin dakordësuar madje duke e publikuar edhe në faqen zyrtare të klubit.

SuperSport mëson nga burime pranë lojtarit se kontaktet mes Partizanit dhe përfaqësuesit të futbollistit kanë nisur, madje ka patur bisedime edhe mes klubit të Young Boys, që zotëron kartonin e 24-vjeçarit dhe drejtuesve të 16 herë kampionëve të Shqipërisë.

Formula që punohet është e njëjta si në rastin e transferimit të munguar tek Tirana, më konkretisht huazim deri në fund të sezonit, teksa pagesa mund të ndahet mes klubit zviceran dhe atij shqiptar. Në verë përfundon edhe kontrata e Seferit me Young Boys dhe nëse palët gjejnë akordin, atëherë nuk përjashtohet edhe nënshkrimi përfundimtar me të kuqtë në merkaton verës, por kjo do të varej nga pjesëmarrja apo jo në Europë e “demave”.

Futbollisti i kombëtares shqiptare është në kërkim të minutave duke qënë se këtë sezon nuk është aktivizuar për asnjë sekondë në ndeshje zyrtare me Young Boys dhe Shqipëria duket se është destinacioni i preferuar i djaloshit nga Kumanova, pavarësisht se interes për të ka shfaqur edhe Shkëndija e Tetovës.

Për momentin pranë tij ndodhet pikërisht Partizani që me rihapjen e merkatos ka siguruar shërbimet e Stenio Junior. Ish lojtari i Shkëndijës së Tetovës pritet t’u bashkohet “të kuqve” ditën e hënë, për të nisur stërvitjen nën urdhrat e Ilir Dajës.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat