Presidenti i Bayernit, Hainer flet për transferimin e Alabas në Real Madrid

Futboll

Presidenti i Bayernit, Hainer flet për transferimin e Alabas në Real Madrid

Më: 1 shkurt 2021 Në ora: 15:39
David Alaba

David Alaba është afër të largohet nga Bayern Munich.

Ishte vet Shefi ekzekutiv i Bayernit, Karl-Heinz Rummenigge i cili kishte deklaruar që kërkesat e Alabas për kontratën e re nuk do të përmbushen nga ana e “Bavarezëve”.

Pas këtij lajmi, Real Madridi u bë emri më i përfolur si destinacioni i mbrojtësit austriak, madje si lojtar i lirë pasi që kontrata e 28 vjeçarit përfundon në qershor.

Tani, për situatën e Alabas, ka folur edhe presidenti i Bayern Munich, Herbert Hainer.

I pyetur nëse ai kishte folur me mbrojtësin austriak, Hainer pohoi se kishte pasur kontakt me Alabën.

“Unë e përgëzova atë me anë të e-mail-it që u shpall futbollisti austriak i vitit. Kam marrë një përgjigje nga ai pas vetëm 15 minutash”, tha ai.

“Ai ishte i lumtur për çmimin e fituar, por ne nuk flasim më për kontratën e tij”, shtoi ai.

“Alaba është në gjendje të mirë. Ne si klub duhet të merremi me këso lloj situatash në një mënyrë profesionale”, tha Hainer.

“Si ai ashtu edhe agjenti i tij (Pini Zahavi) kishin idetë e tyre rreth strukturës financiare të kontratës së tij të re. Gjë që është krejtësisht e ligjshme. Nëse ai do të shkojë në Madrid? Me sa di unë, kjo nuk është bërë ende”, përfundoi Herbert Hainer.

comment Për komente lëvizni më poshtë
Sot mund të lexoni Shfletoni kopertinat