Trajneri i Barcelonës, Ronald Koeman, është shprehur i kënaqur me skuadrën pas fitores ndaj Alaves.
Messi shkëlqeu me dy gola, poashtu edhe Trincao shënoi dy dhe në fund Firpo i cili shënoi golin e pestë për skuadrën katalunase.
Pas ndeshjes, trajneri i Barçës, Ronald Koeman, u shpreh i kënaqur me paraqitjen e skuadrës ku theksoi se ata nuk ndihen inferiorë ndaj PSG-së dhe se janë gati për përballjen në mesjavë.
‘Stafi im më tha se goli i Messit nuk ishte pozitë jashtë loje, por e lëmë me kaq sepse gjithmonë po flasim për VAR-in’, tha ai.
‘Jemi në një moment mjaft të mirë, e shoh ndeshjen me PSG-në si të barabartë’, tha Koeman.
‘Messi është i lumtur, ka dëshirë që të fitojë ndeshjen me PSG-në dhe ne kemi nevojë për të dhe për të gjithë lojtarët që të jenë në momentin më të mirë të tyre’, përfundoi Ronald Koeman.
