Ndeshja e javës së 20-të në Grupin B të Ligës së Parë ndërmjet Ulpianës dhe Vitisë, e paraparë për t’u zhvilluar sot është shtyrë shkaku i reshjeve të mëdha të borës.
Kjo ndeshje do të luhet të mërkurën në orën 13:00, njofton FFK.
Ndeshja u shty pasi fusha e stadiumit në Shtime ishte e mbuluar me borë.
Përkundër përpjekjeve të skuadrës nikoqire për ta pastruar fushën, reshjet e vazhdueshme e pamundësuan një gjë të tillë dhe krijimin e kushteve për lojë.
Vlen të ceket se të dy klubet luftojnë për ngjitje një rang më lartë.