Jose Mourinho ka postuar një fotografi ku ka bërë të ditur që me 6 korrik.
Më pak se një muaj e pret aventura e re Mourinhon në kryeqytetin italian, në Romë.
“The Special One” ka bërë të ditur që më gjashtë korrik do të arrijë në Trigoria ku do të fillojë stërvitjet me futbollistët e Romës.
“Me 6 korrik do të vij”, kishte shkruar Mourinho në rrjetin e tij social, Twitter.
Megjithatë, portugezi do të duhet të presë disa ditë për të përfunduar Kampionati Evropian “Euro 2020” për të pasur në dispozicion shumicën e lojtarëve nëse ende nuk kanë nisur pushimet e tyre.
Disa ditë më parë ai tha se ka ide se cilët do të jenë shtylla e tij në Romë.
“Sigurisht do të koncentrohem më shumë në lojtarët e Romës në “Euro 2020”, Spinazzola, Pellegrini dhe Cristante”, tha ai.
“Por, Italia ka lojtarë të mirë, Mancini ka bërë punë të mrekullueshme”, shtoi ai.
“Është e vështirë t’iu gjesh dobësi. Mendoj që do të jenë ndër skuadrat pretendente për ta fituar “Euro 2020””, përfunoi Jose Mourinho.
