Fjalët e Antonio Conte kanë peshë. Ish-trajneri i Interit, me rastin e editorialit tashmë tradicional në “La Gazzetta dello Sport”, theksoi pikat e forta të ekipit kombëtar, që po përgatitet të përballet me Anglinë në finalen e “Euro 2020”, të planifikuar për të dielën.
Për teknikun nga Lecce, reparti i pasmë përfaqëson vlerën e shtuar të kësaj Italise:
“Me gjithë respektin e duhur për të gjithë lojtarët e tjerë, forca e Italisë përfaqësohet sot nga treshja Donnarumma-Bonucci-Chiellini. Të tre së bashku i japin besim të gjithë ekipit. Unë e konsideroj Donnarumma një nga tre portierët më të mirë në botë: vendimtar midis shtyllave, i guximshëm në daljet e tij dhe i aftë me këmbë.
Çfarë të thuash për Bonucci dhe Chiellini? Pavarësisht nga një mijë beteja, ata ende e nuhasin gjakun. Mentaliteti fitues, përvoja, karakteri, forca…, lojtarët më të mirë në atë rol”.
