Luis Suarez u hakmorr ndaj Ronald Koeman të shtunën në mbrëmje, duke shënuar golin e dytë të Atletico Madrid në fitoren 2-0 ndaj ish-klubit të tij, Barcelonës.
Uruguajanit iu tha se ishte i tepërt nga Koeman përmes një telefonate.
Suarez, pasi shënoi të shtunën, bëri një gjest telefonik dhe, pas lojës, shpjegoi në mënyrë kriptike se kujt i drejtohej, edhe pse mohoi se ishte për ish-trajnerin e tij.
“Ishte për njerëzit që e dinë që unë kam të njëjtin numër dhe se unë jam ende duke përdorur të njëjtin telefon,” tha ai pas ndeshjes.
“Nuk ishte për Koeman, aspak. Nëse doni të dini, unë kisha bërë shaka me fëmijët e mi se do ta bëja këtë”, theksoi Suarez.
Suarez nuk e festoi golin e tij për shkak të respektit të tij për Barcelonën.
“Unë tashmë e dija se nëse shënoja do të kërkoja falje. Për shkak të respektit, dashurisë sime, për të qenë një tifoz tjetër i Barcelonës, për karrierën që kam pasur në Barcelonë, për periudhën që po kalojnë kolegët e mi, e cila është e vështirë, dhe tifozët. Nga respekti”, u shpreh Suarez.
